【送暖到狗場】點知...唉～我可能被人厄咗😞（長文慎入❗️ ）
早排得知有個流浪狗場
唔夠禦寒物資
我諗起狗仔可能要抵冷、凍得好辛苦
真係心都痛
即刻訂咗
超過100張毛毯和幾十件狗仔衫
親自送到狗場
希望狗仔有個溫暖的冬天
點知隔咗幾日
有人同我講：原來狗場個專頁有古怪
詳細內容不談了
總之又係懷疑厄捐款之類的錢銀問題啦
仲要可能場主唔知呢件事
事情真假，我求證唔到
但世上有人借慈善之名去做壞事
的確屢見不鮮
點解？呢D人良心過意得去嗎？
厄返來的錢，你食得安樂咩？
一次又一次見到呢D情況
搞到我做善事都驚驚地
唔知會唔會助長咗D壞人
我成日想幫慈善機構做宣傳
但心裡總有擔憂
我怕介紹咗個唔好的機構
會累到大家...
今次好彩我係送物資過去
唔係捐錢
相信狗仔會受惠
但未來呢？我應該點做？
點樣先可以幫助到真正有心的慈善機構？
點樣分好的、壞的機構？
我真係唔識... #求幫助
Search